"Аймақтар аламаны" Қармақшы мен Қызылтамда

ЖОСАЛЫ, 25 қараша - qarmaqshy-tany.kzҚазақстан Республикасының Тұңғыш Президенті, Елбасы Н.Ә.Назарбаевтың «Болашаққа бағдар: Рухани жаңғыру», «Ұлы даланың жеті қыры» бағдарламалық мақаласы және 2019 жыл – Жастар жылы аясында Қармақшы аудандық мәдениет және тілдерді дамыту бөлімінің ұйымдастыруымен «АЙМАҚТАР АЛАМАНЫ» атты ауыл өнерпаздарының өнер фестивалі 2019 жылдың 22 қарашасы күні Қармақшы ауылында өткізілді. Фестивальдің шарттары бойынша арнайы жасақталған әділ қазылар алқасы Қармақшы ауылы мен Қызылтам елді мекені өнерпаздарының өнерлерін сарапқа салды. Нәтижесінде Қармақшы ауылы өнерпаздары жартылай финалға жолдама алды. Фестиваль барысында түрлі жанрлар бойынша танылмай жүрген талантты өнерпаздар сахна төрінен орын алып, Қызылтам елді мекенінің қолөнер шебері Рақымжанов Жомарттың көрмесі ерекшелігімен халыққа танылды.