Тиімді әлеуметтік саты болмақ

Мемлекет басшысы Қасым-Жомарт Кемелұлы ұлықтау рәсімінде жастарға, оның ішінде жас мамандарға үлкен сенім артатынын айтып, Президенттік жастар кадрлық резервін құру туралы тапсырма бергені баршамызға белгілі.

Сонымен бірге Президентіміз Қасым – Жомарт Кемелұлы Қазақстан халқына тұңғыш Жолдауында «арнайы дайындығы бар жас мамандарды мемлекеттік қызметке тарту» қажеттігін ескертті.

Осы ретте, Президенттік жастар кадрлық резервіне өткізіліп жатқан іріктеу сол тапсырмалардың іске асырылуының нақты айғағы десек болады.

Себебі, Резерв дарынды, қызметіне адал, тәжірибелі жастар үшін жоғары лауазымдарға тағайындалу үшін ашық және тиімді әлеуметтік саты болмақ.

Сөзімді түйіндей келе,Президенттік жастар кадрлық резерві көзінде оты бар, жүрегі елім деп соғатын жалынды жастарды іріктеп, олардың кәсіби және тұлғалық тұрғыда дамуына үлкен септігін тигізетіні сөзсіз.

Айдынбек Айтбайұлы

Аудандық К.Рүстембеков атындағы

«Жыраулар үйі» мекемесінің қызметкері,

облыстық «Сыр үміті» сыйлығының иегері