– Құс етін өндіруді қолға нықтап алып отырмыз. Мәселен, «Ақтөбе и К» ЖШС құс зауытын салуға жұмыс істеп жатыр, бұйыртса, нәтижесін көреміз, - деді Қырымбек Көшербаев есепті кездесуде.

Кәсіпорынды Қармақшы ауылы, Ақтөбе ауылындағы «Ақтөбе и К» ЖШС мекемесі жанынан ашпақ. Жаңа құс фабрикасы 1500 тонна дайын өнім шығаратын болады деп күтілуде. Негізгі бағыты бройлер балапандарын өсіру және құс етін өндіру болмақ. Жобаның жалпы құны 1,14 миллиард теңгені құрайды.

Серіктестік басшысы Нұрлан Іздібаевтың айтуынша, бройлерден неғұрлым сапалы ет алынады. Өнімнің орташа бағасы 650 теңге. Ал құс фабрикасы салынатын Ақтөбе ауылында 323 отбасы – екі мыңнан астам адам тұрады. Жаңа өндіріс тұрғындарды сапалы азық-түлікпен қамтамасыз етеді деп жоспарлануда.