Экспорт көлімі ұлғайды
Даулы бетке біліктісін, жаулы бетке білектісін, жарастыққа жақсысын жұмсаған Сыр елі өткен жылды толайым табыстармен аяқтады. Соңғы жылдары ауыл шаруашылығы өнімдерін өзге мемлекеттерге экспорттау көлемі 37 пайызға артқан. Оның ішінде күріш экспорттау 39 пайызға өсті.
Айта кету керек, Қармақшы ауданында «Ақтөбе и К» ЖШС Иранда сұранысы жоғары «Торем Хошеми» сортын 70 гектарға екті. Сұранысы жоғары бұл сорт экспорт көлемін ұлғайтуға зор септігін тигізбек. Биылғы жылы аталған серіктестік 60 тонна күрішті Иранға жөнелтпек.
Облыс әкімі Қырымбек Көшербаев халық алдындағы есебінде аймақ дамуына тың серпін берген іргелі істер мен толайым табыстарды жұртшылыққа жеткізуде.
