«Әділет кеңес береді» Республикалық акциясы
«Nur Otan» партиясы Қармақшы аудандық филиалының ұйымдастыруымен Қармақшы аудандық Әділет басқармасында «Әділет кеңес береді» Республикалық акциясы болып өтті.
Акцияның мақсаты тұрғындарға кәсіби заңгерлік көмек көрсету үшін және де құқықтық нормалар мен қолданыстағы заңдарға, сондай-ақ оларға енгізілген өзгерістер мен түзетулер туралы ақпараттар беріп, азаматтардың заң және құқық бойынша түсініктерін қалыптастыру мен жеке жауапкершіліктерін сезіндіру мақсатында партия тарапынан диалогтық алаң ұсыну.
Акцияға «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық мәслихат депутаты Раева Күлжауһар Төлегенқызы, аудандық Әділет басқармасының басшысы Асанова Назерке Нәбиқызы, «Азаматтарға арналған үкімет» мемлекеттік корпорациясы» коммерциялық емес АҚ-ның Қармақшы ауданы бойынша бөлім маманы және БАҚ өкілдері қатысты.
Акция барысында қабылдауға келген азаматтарға қолданыстағы заңнамалар аясында кеңестер беріліп, түсіндірме жұмыстары жүргізілді.
