"Бизнес - Жарқын болашақ"
Ақжар ауылдық округінде «Қармақшы ауданының жұмыспен қамту, әлеуметтік бағдарламалар және азаматтық хал актілерін тіркеу бөлімі» КММ-сі мен «Жас Орда» жастар қоғамдық бірлестігінің ұйымдастыруымен Қармақшы аудандық "Атамекен" кәсіпкерлік палатасымен Кәсіпкерлік бөлім мамандарының қатысуымен, мүмкіндігі шектеулі азаматтар мен азаматшалар арасында «Бизнес – Жарқын болашақ» тақырыбында кәсіпкерлікке ынталандыру мақсатында кездесу өткізілді.
Кездесуге тұрғылықты жерде кәсібін жаңа бастаған жеке кәсіпкерлер мен кәсіп ашуға ынталы мүмкіндігі шектеулі азаматтар мен азаматшалар, сонымен қатар ауыл тұрғындары қатысты. «Атамекен» кәсіпкерлер палатасы мамандары кәсіпкерліктің жаңа бағыттары, қайтарымсыз гранттар, «Жұмыспен қамту-2020» бағдарламасымен қоса жаңа бағдарламалар төңірегінде мәліметтер беріп өтті. Шара барысында мүмкіндігі шектеулі азаматтар өздеріне қажетті сұрақтарын қойып, толққанды ақпараттар алды.
