ТАРИХИ-ТАНЫМДЫҚ ЖИНАҚТАР ШЫҒАРЫЛУДА

Бұл туралы Өңірлік коммуникациялар қызметінде өткен баспасөз конференциясында облыс әкімінің орынбасары Руслан Рүстемов мәлімдеді.Бүгінде «Рухани жаңғыру» бағдарламасы аясында «Қорқыт Ата кітабы және Сыр бойында туған оғыз-қыпшақ эпостары» және «Сыр бойының мәдени құндылықтары: ел аңыздары мен салт-дәстүр үлгілері» атты тарихи-танымдық жинақтары баспаға әзірленуде.
Жалпы, Елбасының «Рухани жаңғыру» бағдарламасын тиімді жүзеге асыру мақсатында өткен жылы облыста «Рухани жаңғыру» орталығы құрылды.
- Әлі күнге дейін еліміздің бірде бір облысында мұндай орталық ашылған жоқ. Президент әкімшілігінен келген эксперттік комиссия тарапынан да аталмыш бастама жоғарғы бағаға ие болды. Бұл орталықтың құрылуы аймағымызда бағдарламаны тиімді жүзеге асыруды қамтамасыз етеді, - деді Р.Рүстемұлы.
Айта кету керек, осы орталықтың бастамасымен Халықаралық маңызға ие «Науаи және Абай шығармашылығы: түркілік және жалпыадамзаттық рухани құндылықтар концепциясы» атты халықаралық ғылыми-танымдық конференция өткізілмекші.