Мүшел жас - қазақ халқының адам жасын есептеу үлгісі. Дәстүрлі қазақ қоғамында баланың 13 жасқа толуы «алғашқы мүшелі» делінеді, одан кейінгі мүшел жасы әр 12 жыл қайталанған сайын есептеліп отырады. Халықтың адам өмірін кезеңдерге бөлуіне байланысты қалыптасқан шартты түрдегі бөліністері мен мүшел санау үрдістері қоғам мүшесінің әлеуметтену жағдайын, яғни қоғамдағы орны мен мәртебесін белгілеуді білдірді. Осыған орай Қызылтам ауылдық кітапханасының кітапханашысы А.Құлбаева кітапхана оқырмандары мүшел 13 жасқа толған Ұлжан Ғалымжанқызы мен Бақберген Ысмайловтың сонымен қатар 11 жасқа келген Нұранар Ғаниқызының және Нұрай Ерахметтің туған күндерін кітапханада атап өтті. Кітапхана оқырманы Қытай Халық Республикасының Чунцын қаласында оқитын Нұрасыл өзінің қытайлық достарымен туған күн иелерін құттықтады. Қызылтам ауылдық кітапханасы модельдік кітапхана болып танылып, аудандық орталықтандырылған кітапханалар жүйесінің әдістеме-библиография бөлімінің меңгерушісі Г.Раева СЕРТИФИКАТ табыс етті.