Аурудың үш кезеңі бар: қабыну, бөртпе және пигментация. Алғашқы кезеңде (катарал) температураның көтерілуі (әдетте 38,0-39,0 дейін), бас ауыруы, әлсіздік, апатия, ұйқысыздық, яғни катаральдық құбылыстар пайда болады (қатты "күркілдеген" жөтел, тамақ ауруы, қырылдаған дауыс, фотофобия, конъюнктивит белгілері, мұрынның бітелуі). Яғни, көріністер респираторлық инфекцияға (ЖРВИ) өте ұқсас. Бөртпе кезеңі дене температурасының көтерілуімен сипатталады, интоксикация симптомдары өседі (бас ауыруы, әлсіздік, жалқаулық, аппетит жоғалуы), ауырсыну симптомдары күшейеді, содан кейін бөртпе пайда болады.

Қызылшада бөртпенің кезеңмен пайда болуы тән.

Алғашқы бөртпе бет пен құлақтың артында пайда болады. Бір күн ішінде бөртпе мойын мен кеудеге таралады. Екінші күні иықта және жамбаста, 3-ші күні білектер мен аяқтар бөлігінде анықталды. Осы уақытта бөртпе бетте сейіле бастайды. Науқастың жалпы жағдайы жақсарады, интоксикациялық дәрежесі және қабыну құбылыстары төмендейді. Температура қалыпқа түседі, ұйқы және аппетит қалпына келеді. Бөртпе "ағарады", қоңыр түске ие болады (пигменттенеді) теріде қабышақтар пайда болады. Пигментация 2-3 апта сақталады.

Қызылшаның алдын-алудың әдісі - екі вакцинадан тұратын 12-15 айда - вакцинация, 6 жасында - мектепке баратын кездегі ревакцинация қорғаныс әсерін қамтамасыз етеді.

Бұрын вакцинацияланбаған тұлғаларды 72 сағат кезеңінде вакцинациялау жүргізілсе қызылшамен ауратын адаммен байланыста болса да қорғауды қамтамасыз етеді.

kaz.zakon.kz