1993 жылы Жосалы кен­тінде дүниеге келген ол О.Шо­раяқұлы атындағы №30 мек­тепте білім алған соң Қос­танай облысы, Арқалық қа­ла­сындағы  Ы.Алтынсарин атын­­дағы педагогикалық институтына мем­лекеттік грант негізінде оқуға түседі. Жас маманның біліктілігі бұл қара шаңырақтан алған білі­мімен шектеліп қана қоймай, Шымкент қаласындағы Инновациялық тех­нологиялар университетінде ма­гис­­­тратура бағдарламасы бой­ын­ша білім алып, «Экономика ғылым­дарының магистрі» білік­ті­лігіне ие болады.  Сонан соң гео­графия пә­ні бойынша аграрлы-тех­ника­лық колледжге «Жалпы пән оқыту­шы­сы» болып жұмысқа орналасады.

Қанат Темірбаев қай кезде де белсенді. Ол бүгінге дейін бірнеше білім бәсекесіне қатысып, же­ңіс тұғырынан көрінді. «Үздік жас маман – 2016» байқауында, «Са­ла­­маттылық – денсаулық негі­зі» сайысына қатысып жүлделі орын­дар иеленген. Сондай-ақ, рес­пу­бликалық ғылыми-әдісте­мелік, шығар­ма­шы­лық «Ұлт ұстазы» жур­налында жариялаған ма­қа­ла­сының өзектілігі үшін марапатталып, рес­публикалық «Қазақстан ұстазы»  қоғамының ұйымдастыруымен өт­­­­кен олимпиадада І орыннан кө­рінді.

–  Жастардың жайын ойлап, олар­ды ауылға тұрақтандыруға игі бастамашы болған Елбасы мен оның саясатына  білдірер алғысым шексіз. Бұл менің ғана емес, өзім секілді баспаналы болған жастардың көкейінде жүрген риясыз сезім.  Қалада пәтер жалдап, айлығыңды жет­кізе алмай, қиналып жат­қаннан гөрі, ауылда ата-анаңның, бауыр­ларыңның қа­сында, жайлы жұ­мыста қызмет етіп, жемісін көрген жақсы емес пе? Мұғалім – мерейлі мамандық. Шә­кірттеріме қарап, қуаттанамын. Жұмысқа деген ықы­ласым артады.  Шә­кіртің жақсы тәр­бие алып, саналы ұрпақ болып ел алғысына ие болса ұстаз үшін мұнан асқан мәртебе жоқ шығар, – дейді жас ма­ман.

Ол арқалаған сенімге селкеу түсірмесіне сенім мол. Талаптың тұлпарына мінген Қанаттың қа­дамы қарымды, жігері жалынды, болашағы жарқын болары сөзсіз.