ГҮЛСАНА – ҒЫЛЫМ ДОКТОРЫ

Бүгінде туған жерден жырақта еңбек етіп жүрсе де өздерінің өнегелі істерімен үлкен жетістіктерге қол жеткізген жерлестеріміз жетерлік.
Солардың бірі – Қуаңдария ауылының тумасы, бүгінде Тараз мемлекетік педагогикалық институтында аға оқытушы болып шәкірт тәрбиелеп жүрген Гүлсана Залқызы Шәймерденова.
Гүлсана 1999-2004 жылдары Тараз М.Х.Дулати атындағы мемлекеттік университетінде «биология және химия» мамандығы бойынша білім алып шыққан соң, 2009-2011 жылдар аралығында Тараз мемлекеттік педагогикалық институтында «Биология» мамандығы бойынша магистратураны тәмамдап, «педагог-магист» академиялық дәрежесін қорғады. Ал, 2013-2016 жылдары Алматы қаласындағы Абай атындағы Қазақ ұлттық педагогикалық университетінде «6D011300-Биология» мамандығы бойынша білім алып, биология ғылымдарының докторы, доцент Болат Есімовтың жетекшілігімен «Болашақ биолог мұғалімдер даярлауда веруалды зертханалық жұмыстарды құру мен қолдану әдістемесі» тақырыбында (РhD) докторлық дессертациясын қорғады.
2018 жылдың 13-шілдесінде арнайы комитеттің №1124 бұйрығымен Гүлсана Шәймерденова «6D011300 -Биология» мамандығы бойынша философия ғылымдарының (РhD) докторы ғылыми атағына ие болды.