Ұйқыдан сағат қаншада тұру керек?
Мұны Қытай тарихындағы үздік 10 дәрігердің бірі Хуа Тон осыдан екі мың жыл бұрын айтып кеткен. Біздің эрамызға дейінгі 145-208 жылдарда өмір сүрген ғұлама ның айтқандарын зерттеген ғалымдар оның «кестесін» толықтай мақұлдап отыр. Олай болса, осы дәрігердің бұл кеңесін сіздер де біле жүріңіздер:
Адамдар ерте тұру уақытын таң шеті сөгілген мезетке (03:00-5:00 аралығы) туралағаны жөн. Бұл кезде қамығуға, ашулануға болмайды, өкпе мен бауырға зақым келеді. Осы уақыттарда ояна алсаңыз күні бойы сергек жүресіз.
Түскі кез, сағат 11:00-13:00 аралығы, жүрекке қуат жеткізілетін уақыт, бұл мезетте ұйықтауға мұрса болмаса, 15 минут жайланып отырып, көзді жұмып, жүйкені тыныштандырсаңыз, жүрек қуатыңыз толық болмақ. Жүрек ауруы барлар әр күні осы уақытта ұйықтауды ұмытпаса, дене қуаты күн сайын артады, жүрек қағуы қалыпқа түседі. Ал дәл түс мезгілінде көзді жұмып 30 минут ұйықтау екі сағат ұйықтағанмен тең.
Жарым түн (түн ортасы: сағат 23:00-ден 01:00 аралығы). Шындығында жаңа күн түнгі сағат 00-де емес 23:00-де басталады. Біз сағат 00-де басталады деп ағат түсініп жүрміз. Бауырдың бір ерекшелігі, адам жатқанда қан қайтады, отырсаң, тұрсаң басқа мүшеге қан жібереді. Сағат 23:00-де өт қан жолы ашылады, егер ұйықтамасаңыз, өт қуатын зақымдайды. Іштегі 11 мүше өт қуатына сүйенеді, өт қуаты әлсіресе, ішкі мүшелердің барлығының қызметі әлсірейді, зат алмасуы, иммунитет кемиді.
Түн ортасындағы 5 минуттық ұйқы 6 сағаттық ұйқының демалысын сыйлайды. Сондықтан ұйқысы қашып жүргендер немесе түнделетіп жұмыс істейтіндер уақытын бөліп, жарты сағат ұйықтап алса, ағзаға түсетін артық қысымды жеңілдетеді.
Адам бір түнгі ұйықтамаудың зиянын 100 күнде толықтай алмақ емес. Бір түн ұйықтай алмасаңыз, жаңа клетка жасалмайды. Күндіз бір миллион клетка жойылып, түнде 500 мыңы ғана толығатын болса, денеңіздің қуаты әлсірейді.
Түн ауған кезде (түнгі сағат 01:00-03:00 аралығы) бауырдың қан жолының қызметі арта түседі, бұл кезде ұйықтамасаңыз, бауыр улы заттарды аластай алмайды, таза қан жасай алмайды. Қанның қордалануы жетерсіз болу себебінен адамның өңі көгеріп тұрады, уақыт ұзара келе бауыр ауруларына оңай шалдығады.
Тамақ іше сала шалқалап жатпаңыз. Төсекте жатып келешек істерін ойламаңыз. Жатқаннан кейін бар ойдан арылып, еркін тыныс алу керек. Санаңызға сансыз ой оралып, тынышыңыз кетсе, төсекте аунақшып жата бермеңіз. Бұл адам жүйкесін мейілінше тоздырады. Мұндайда біраз түрегеліп отырып барып жатқаныңыз жөн.
zamana.kz
