Өнім қауіпсіздігін бақылау басты назарда

Қармақшы аудандық санитариялық-эпидемиологиялық бақылау басқармасы ағымдағы жылдың қаңтар–қазан айларында 13 нысаннан 207 сынама алды. Оның 179-ы — тағам өнімдері, 28-і — тағамдық емес өнімдер.

Зерттеу нәтижесінде 25 сәйкессіздік анықталды: 24-і — таңбалану талаптарына қатысты, 1-еуі — антибиотикке байланысты.

Анықталған сәйкессіздіктер бойынша жедел ден қою шараларын қолдану туралы 8 қаулы шығарылып, талаптарға сәйкес келмейтін тағам өнімдері, балалар косметикасы, ойыншықтар, тұрмыстық химия және киімдер дүкен сөрелерінен алынды.

4 нысанда тергеп-тексеру, тағы 4 нысанда жоспардан тыс тексеру жүргізілді. Нәтижесінде 4 айыппұл салынып, жалпы сомасы 389 250 теңге өндірілді.

Кәсіпкерлерге өнімнің таңбалануы, құрамы, өндірілген күні, жарамдылық мерзімі және басқа да міндетті ақпараттың көрсетілуі жөнінде түсіндіру жұмыстары жүргізілді. Осы бағытта 2 семинар өткізіліп, газетте 1 мақала жарияланды және 20 ақпараттық-түсіндіру жұмысы жүргізілді.

Өнім сатып алғанда таңбалануы мен жарамдылық мерзіміне назар аударыңыз!

Қауіпсіз өнім — қауіпсіз өмір кепілі!