Конго-Қырым геморрагиялық қызбасының алдын алу

Конго-Қырым геморрагиялық қызбасы – кене арқылы таралатын аса қауіпті жұқпалы аурулардың бірі. Ауру адам денсаулығына елеулі қауіп төндіріп, дене қызуының көтерілуі, әлсіздік, бас ауруы, бұлшықет ауруы және қан кету белгілерімен сипатталуы мүмкін.

Бұл ауру көбіне көктем-жаз мезгілдерінде жиі тіркеледі. Әсіресе мал шаруашылығымен айналысатын адамдар, табиғат аясында демалушылар және дала жұмыстарымен айналысатын азаматтар қауіп тобына жатады. Сондықтан кене шағуынан сақтану шараларын сақтау өте маңызды.

Аурудың негізгі тасымалдаушысы – кене. Сондықтан табиғат аясында, мал шаруашылығы саласында жұмыс істейтін азаматтар сақтық шараларын қатаң сақтауы қажет.

Конго-Қырым геморрагиялық қызбасының алдын алу үшін:

кене көп кездесетін жерлерде жабық киім кию;

денені және киімді жиі тексеру;

кенені өздігінен жұлмау;

малдарды кенеге қарсы дәрілеу;

қора-жайларды уақтылы залалсыздандыру;

табиғаттан келгеннен кейін денені мұқият қарау қажет.

Кене шаққан жағдайда немесе ауру белгілері байқалса, дереу медициналық ұйымға жүгіну керек.

Сақтық шараларын сақтау – аурудың алдын алудың ең тиімді жолы!