Қандай өнімдер ұйқысыздыққа шалдықтырады?
Диетолог Елена Кален ұйқысыздыққа әкеп соқтыратын азық-түліктер тізімін атады. Ресейлік маманның сөзінше, мұндай өнімдер қатарында қуырылған ет, қызанақ, консервіленген және тұздалған тауарлар, баклажан мен авокадо, зеңді сыр бар, деп хабарлайды Lenta.ru басылымы.
Диетолог аталған өнімдер құрамында тираниннің көп мөлшерде болатынын түсіндірді.
"Бұл амин қышқылы ағзада норадреналинге (күйзеліс гормоны) айналады. Оның қандағы концентрациясы күйзеліс жағдайында көбейеді. Нәтижесінде өзімізді ыңғайсыз сезініп, түнде ұйықтау қиындайды", – деді маман.
Бұған дейін америкалық дәрігерлер аптасына екі рет балық жеудің пайдасы туралы айтқан. Дәрігер-диетологтардың сөзінше, мұндай өнімдер ми жұмысына оң әсер ететін омега-3 қышқылына бай.
