Мемлекеттік кірістер комитетімен салық төлеушілердің салықтық әкімшіліктендіруді жеңілдету бағытында «E-Salyq Azamat» мобильді қосымшасы іске қосылды. Жергілікті салық органы көрсететін электронды қызметінің барлығы дерлік аталған қосымшада жүктелген.

Мемлекеттік қызметкерлерге және олардың жұбайларына активтер мен міндеттемелер туралы декларацияны салық органына бармай-ақ, аталған бағдарлама арқылы табыстауға мүмкіндік береді. Ол үшін электронды-цифрлы қолтаңба болуы да міндетті емес, бар болғаны сіздің телефон номеріңіз Халыққа қызмет көрсету орталығы арқылы өз атыңызда тіркеуде тұрса жеткілікті.

Сонымен қатар, салық органына келу уақыты мен күнін онлайн брондасаңыз болады.

Бұл мобильді қосымшаның басқа мобильді банкинг қызметін көрсететін бағдарламалардан артықшылығы – бағдарламадағы көп адамға түсініксіз мәліметтерді толтырмай-ақ жер, мүлік, көлік құралы салықтарын оңай төлеуге, және де қате төленген төлемдерді үйден шықпай-ақ басқаруға мүмкіндік береді. Ол үшін «E-Salyq Azamat» мобильді қосымшасындағы салық әмиянын толтырып қойсаңыз болды.

Атыңыздағы мүліктің салығы қанша теңге болатынын бағдарламадағы электронды калькулятор арқылы оңай есептесеңіз болады. Сонымен қатар, салық берешегінің бар немесе жоқ екендігі жөнінде тез әрі нақты ақпарат алуға мүмкіндік береді.

Аталған бағдарламаны «AppStore» немесе «PlayMarket»-тен жүктеп алсаңыз болады.