Суве (Фиджи) жасөспірімдер арасындағы ауыр атлетикадан әлем чемпионаты жалғасуда. Қазақстан қоржынына Карина Құзғанбаева алтын медаль салды, деп хабарлайды Olympic.kz.

81 келіге дейінгі салмақ дәрежесінде Каринаға ешкім тең келмеді. Алтын медальды 224 келіге (98+126) нәтижесімен жеңіп алды. Сонымен қатар Карина «кіші» алтын медаль жұлқа көтеруден және тағы біреуін серпе көтеруден иеленді.

Күміс жүлде кореялық Хен Чжу Чжанға бұйырды. Спортшы 221 келі (97+124) нәтиже көрсетті. Үшінші орынға ресейлік Екатерина Визгина табан тіреді. Бойжеткен 206 келі (93+113) нәтижесімен «қола» жеңіп алды.