Мәдениет және спорт министрі Арыстанбек Мұхамедиұлы Азия ойындарында джуи-джитсуден алтын медаль ұтып алған Дархан Нортаевты жеңісімен құттықтады, деп хабарлайды Baq.kz тілшісі.

"2018 жылғы Азия ойындарында еліміздің Ұлттық құрамасы қоржынында төртінші алтын медаль!Джиу-джитсуден 62 келі салмаққа дейінгі санатта Дархан Нортаев финалда «алтын» жеңіп алды. Дарханды және барлық қазақстандықтарды осы жетістікпен құттықтаймын!", - деп жазды Мəдениет жəне спорт министрі Арыстанбек Мұхамедиұлы Facebook желісіндегі парақшасында.

Министр Ұлттық құрама әзірге 37 медаль ұтып алғанын жазған. Олардың төртеуі - алтын, жетеуі - күміс жəне жиырма жетісі - қола.