ОЛЖАЛЫ ОРАЛДЫ
Додада жерлесіміз, үкілеп үміт артып бәйгеге қосқан жас балуан, №250 мектеп-лицейдің 4-сынып оқушысы Дәулет Мүтәлов 46 салмақ дәрежесінде белдесіп, ІІ орынға ие болды. Дәулет кеше ғана Т.Көмекбаев атындағы самбодан өткен халықаралық мемориалда «Түйе палуан» атанған Мақсат Исағабыловтың туған жиені. Өз әке, атасында да тектілік табы бар. Қанында қайраттылық пен батылдық басым ұлдың болашағынан нағашысы сынды биік белесті бағындыруды күтеміз. Тәжірибелі жаттықтырушы Қайрат Медеубаев шәкіртінің сенімді ақтап, үздік өнер көрсеткеніне шын қуанышты. Әрбір белдесуінен тек жеңіс күттіретін оқушысын қазақ күресінің қыр-сырына баули бермек.
Гүлжанат ДҮЗЕНОВА,
«Қармақшы таңы».
