ОЛЖАЛЫ ОРАЛДЫ

Қызылорда қаласындағы Қажмұхан Мұңайтпасұлы атындағы спорт клубының құрылғанына биыл – 5 жыл. Осы мерекеге байланысты сәуірдің 26-28-жұлдызында қазақ күресінен республикалық ашық біріншілік өтті. Оған Орал, Ақтөбе, Атырау, Оңтүстік Қазақстан облысынан 2008-2009, 2010-2011 жылы туған барлығы 862 спортшы қатысты. Додада жерлесіміз, үкілеп үміт артып бәйгеге қосқан жас палуан, №250 мектеп-лицейдің 4-сынып оқушысы Дәулет Мүтәлов 46 салмақ дәрежесінде белдесіп, ІІ орынға ие болды. Тәжірибелі жаттықтырушы Қайрат Медеубаев шәкіртінің сенімді ақтап, үздік өнер көрсеткеніне шын қуанышты. Болашағынан тек жеңіс күттіретін оқушысын қазақ күресінің қыр-сырына баули бермек.

Г.ДҮЗЕНОВА,

«Қармақшы таңы».

Спорт

29 сәуір 2019 ж. 1 109 0