Дүбірлі жарысқа жерлесіміз Әдібек Серикбаев басшылық ететін спорт клуб балуандары қатысты.

 Үш күнге созылған жарыс қоры­тындысымен  66 және 100 келі сал­мақ­та аудан намысын қорғаған Арман Жалғасбекұлы мен Ринат Тоғысов жарыс жеңімпазы атанса,  82 және 100 келіде белдесу өткізген Мейірбек Орынғалиев пен Спандияр Алмаханов  жүлделі ІІІ орынды иемденді.

Сонымен бірге, Талдықор­ған қа­ла­сында 23 жасқа дейінгі бозкілем шебер­лері арасында өткен ел чемпионатында  68 келі салмақ дәрежесінде жерлесіміз Әсет Әбдіреев ІІІ орынды иемденсе,  сол мезет­те Ақтау қаласында қазақ күресінен халық батыры Шоғы Мұңалұлын еске алуға арналған  республикалық жарыста аудан­дық спорт клуб мүшелері Ерасыл Зейнуллаев ІІ орынға, ал 66 келіде Мағжан Әбдіжәмит ІІІ орынға көтеріліп, аудан абыройын асқақтатты.

Сондай-ақ, Қызылорда қала­сында аймақтық дене тәрбиесі методикалық орта­лығының  ұйым­дас­тыруымен мектеп оқушылары арасында облыстық спар­такиада өтті. Спартакиада аясында өткен футбол жарысында №275 мектеп-лицейдің денешынықтыру  пәні­нің мұға­лі­мі Ақжарбай Жарық­баев­тың басшылығымен  дайын­далған Қарм­ақшы құрама командасы І орынды жеңіп алса, үздік ойын өрнегін көрсетіп, көрермен көзайымы атанған №273 орта мектептің оқу­шысы Ерболат Ерімбетов «Үздік ойыншы»,  №275 мектеп-лицейдің оқушысы Рустам Мақатаев «Үздік қақпашы» номинациясына ие болды. Ал, қыздар арасындағы жарыста №79 негізгі мектебінің командасы V орынды місе тұтса, сол мектеп құрамасының мүшесі Балайым Өтебай «Үздік ойыншы» номинациямен марапатталды.

Сонымен қатар, ҚР Тұңғыш Прези­денті күніне байланысты Қармақшы ауданы командасы,  құрамында Е.Әл­жа­нов, С.Мұхамбетов, О.Ешбаев, А.Қиясов, А.Дүй­сенбаев, Д.Би­­­­бітбаев, Ғ.Құн­дақбаев, Қ.Құн­­­дақбаев, Қ.Бос­­танов, А.Қашақ­баев және Д.Жұ­баны­шовтар алғашқы әс­кери-қолданбалы спорт түрі бойынша 7-желтоқсанда Қызы­лорда қаласында  аймақ­тық дене тәрбиесі методикалық орта­лы­ғының ұйымдастыруымен өткі­зіл­ген облыстық жарыс қоры­тын­ды­сымен командалық есеппен ІІІ орынды иеленді. Жекелей, нақтырақ айтқанда арқан тарту және пневматикалық винтовкадан нысанаға ату сайыстары бойынша жарыс жеңімпазы атанса, белтемірге тартылу сайысында жүлделі ІІІ орынға көтерілді.