БОКСТАН ЖАСӨСПІРІМДЕР ЖҮЛДЕМЕН ОРАЛДЫ
Қызылорда қаласының 200 жылдығына орай Қазақстан Республикасының спорт қайраткері Аманбек Рахметұлы Досмайловтың жүлдесіне арналған бокстан жасөспірімдер арасындағы облыстық турнирі өтті.
Турнирдің негізгі мақсаты – Қызылорда қаласының 200 жылдығы мерейтойын насихаттау және спорт қайраткері Аманбек Рахметұлы Досмайловты еске алу, облыс көлемінде спорттың бокс түрін дамыту, жасөспірімдер арасында салауатты өмір салтын қалыптастыру болып табылады. Жарысқа ауданымыздан №15 ОРМБЖМ-нің бокс үйірмесінің оқушылары қатысып чемпион атанып елге оралды. Атап айтар болсақ 30 кг салмақ дәрежесінде №30 мектеп оқушысы Назымбетов Нұрперзент, 40 кг салмақ дәрежесінде №27 мектеп оқушысы Ефенов Бейбарыс, 50 кг салмақ дәрежесінде №105 мектеп - лицей оқушысы Нағашыбаев Өркен 1 орынды иеленді
