СЫР ОҒЛАНЫ ӘЛЕМ КУБОГЫНАН ОЛЖАЛЫ ОРАЛДЫ

Сыр елінің оғланы Ғалымжан Әбдірахманов Ресейде өткен Әлем Кубогының күміс жүлдесіне ие болды. Самбо күресінің негізін қалаушылардың бірі әйгілі балуан Анатолий Харлампиев атындағы байрақты бәсекеде жеңіс тұғырынан көріну үлкен мәртебе. Арнамыздың тілшісі жерлесіміздің айтулы жетістігімен құттықтап, алға қойған мақсат жоспарын біліп қайтты.
Қасиетті қармақшы жерінің тумасы Ғалымжан Әбдірахманов бүгінде Сыр өңірінің ғана емес, қазақ елінің абыройын асқақтатып жүрген оғландардың бірі. Бұған дейін қазақ күресінен Әлем чемпионатының екі дүркін жеңімпазы, самбодан Азия ойындарының қола жүлдегері атанған боз кілем шеберінің қоржыны енді Әлем Кубогының күміс медалімен толықты.