ТЕМІРЖОЛШЫЛАР ЖАРЫСЫ

Спорт – адам денсаулығының кепілі. Оны насихаттау жеке адамдармен қоса, еңбек ұжымдарында да қолға алынған. Соның бір дәлелі – жақында Жосалы стансасының бастығы Бауыржан Баяновтың ұйытқы болуымен Темір жол мекемесі ұжымдары арасында шағын футболдан жарыс өтті.

Оған 6 команда қатысып, бақ сынас­ты. Нәтижесінде І орынды №60 жол дистанциясының командасы жеңіп алса, ІІ және ІІІ орынды Жосалы темір жол электрмен жабдықтау мекемесі командасы, Жосалы вокзал, сондай-ақ темір жол әскерилендірілген командасы өзара бөлісті. Жарыстың «Үздік қақпашы» номинациясы Жосалы стансасының жүк тасымалдау­шысы, бүгінде 60-ты алқымдаған Сайлау Басшыбаевқа бұйырды.

– Жарыстың жұмыстан тыс демалып, әріптеспен тиімді уақыт өткізуге септігі көп. Мұндай игі шара алдағы кезде де өтеді деген сенімдеміз, – дейді жарысқа қатысушылар.