ҚАРМАҚШЫДА ГАНДБОЛ СПОРТЫ БОЙЫНША ОБЛЫСТЫҚ ЧЕМПИОНАТ БАСТАЛДЫ

Спорттық шараның ашылу салтанатына аудан әкімінің орынбасары Е.Меңлібаев қатысып, спортшыларға өзінің жылы лебізін білдіріп, сәттілік тіледі.

Лига ойындары 23-26 наурыз күндері аралығында өтеді. Лига құрамына Қызылорда қаласы мен аудандарды қоса алғанда барлығы 8 команда бекітілген.

Сайыстың бастапқы күні аймағымыздың түпкір-түпкірінен келген командалар ойынға жанын салып бақ сынасты.

«Жүзден жүйріктер» жиналған командалар бір-біріне дес бермей, тартысты ойын көрсете білді.

Айта кету керек, Қармақшы құрамасы Жалағаш ауданының құрамасымен кездесіп алғашқы жеңісіне жетті.

Ал біз өз кезегімізде алдағы күндерде өткізілетін сайыс қатысушыларына, соның ішінде жерлестерімізге тек сәттілік тілейміз!