ҚАРМАҚШЫДА БОКСТАН ЕРЛАН НЫСАНБАЕВТЫ ЕСКЕ АЛУҒА АРНАЛҒАН ТУРНИР БАСТАЛДЫ
Жосалы кентінің орталығындағы спорттық сауықтыру кешенінде бокстан халықаралық, республикалық жарыстардың жеңімпазы, талантты боксшы Ерлан Нысанбаевты еске алуға арналған жасөспірімдер арасында облыстық ашық турнир басталды.
Талантты спортшыны еске алу шарасына осы кезеңге дейін республикалық көлемде тіпті Өзбекстан спортшылары да қатысқан болатын.
Турнирдің ашылу салтанатында аудан әкімінің орынбасары Меңлібаев Еркебұлан Қайырбекұлы сөз сөйлеп, спортшыларға сәттілік тіледі.
Жарысқа келген 210 боксшы 20 салмақ дәрежесі бойынша сынға түсуде.
Аудандық спорт және денешынықтыру бөлімі және достарының ұйытқы болуымен биыл 5-ші рет жалауын желбіреткен сайыс 8 ақпан күні қорытындыланады. Ақтық ойындар да осы күнге жоспарланған.
