«АЛТЫН КҮЗ – 2026»: ОБЛЫСТЫҚ СПАРТАКИАДА БАСТАЛДЫ
Жалағаш ауданында дәстүрлі түрде ұйымдастырылатын «Алтын күз – 2026» XXXIX облыстық спартакиадасы басталды.
Биыл 39-шы рет өткізіліп отырған дүбірлі спорт додасына қасиетті Қармақшы ауданынан 15 спорт түрі бойынша 160 спортшы қатысуда. Спартакиада ауыл спортшыларының өзара тәжірибе алмасып, шеберліктерін шыңдауына мүмкіндік береді.
Ауқымды жарыстың басты мақсаты – ұлттық спорт түрлерін қайта жаңғырту, ауылдық жерлерде бұқаралық, сондай-ақ олимпиадалық спорт түрлерін насихаттау. Сонымен қатар жас ұрпақты салауатты өмір салтын қалыптастыруға баулуға бағытталған.
Қармақшылық спортшыларымызға сәттілік тілейміз! Жеңісті жолда жарқын нәтижелер мен толағай табыстар серік болсын!
