"Алтын күз" спартакиадасы басталады
Қармақшы ауданы әкімдігі: 3 қазан күні Қармақшы ауданында ауыл спортшыларының XXXIIІ «Алтын күз - 2019» облыстық спартакиадасы басталады. Жарысқа облыстың 7 ауданынан мыңнан аса спортшы спорттың 16 түрінен: волейбол, футбол, баскетбол, гандбол, қазақ күресі, тоғызқұмалақ, шахмат, көкпар, аударыспақ, теңге ілу, гір спорты, қол күрес, үстел теннисі, президенттік көпсайыс, асық ату жəне бес асық бойынша сынға түседі.Мақсаты – бұқаралық және ұлттық спорт түрлерін дамыту, тұрғындар арасында салауатты өмір салтын қалыптастыру, ауыл спортшыларының рухын көтеру болып табылады.
Спартакиаданы ұйымдастырушылар: облыстық дене шынықтыру және спорт басқармасы мен Қармақшы ауданының әкімдігі.
Жеңімпаз жəне жүлдегер командалар 5 қазан күні анықталады.
САЛТАНАТТЫ АШЫЛУЫ 3 ҚАЗАН САҒАТ 17.00-де ЖОСАЛЫ КЕНТІНДЕГІ ОРТАЛЫҚ СТАДИОНЫНДА 09.00-де БАСТАЛАДЫ.
