Тең мүмкіндіктер – баршаға ортақ
«Тең мүмкіндіктер» тақырыбы аясында аудан мектептерінің қатысуымен мүмкіндігі шектеулі балалар арасында инклюзивті сайыс ұйымдастырылды.
Іс-шараның мақсаты – балалардың спортқа деген қызығушылығын арттыру, белсенді өмір салтын қалыптастыру және өзара достық қарым-қатынасты нығайту.
Сайыс барысында эстафеталық ойындар мен қашықтыққа жүгіру жарыстары ұйымдастырылып, қатысушылар өздерінің шапшаңдығы мен ептіліктерін көрсетті.
Жарыс қорытындысы бойынша үздік нәтиже көрсеткен қатысушылар Алғыс хаттармен, медальдармен және естелік сыйлықтармен марапатталды.
