Шынықсаң шымыр боласың

Жосалы кенті орталығындағы А.Жанпейісов атындағы №105 мектеп-лицейінде «Шынықсаң шымыр боласың» тақырыбында көңілді эстафеталық спорттық сайыс өткізілді. Дене шынықтыру пәні мұғалімдерінің ұйымдастыруымен және жас мамандардың қатысуымен 7-9 сынып оқушылары арасында эстафеталық сайыс «ДОСБОЛ LIKE: ДОСТЫҚ ҚОЛЫН ҰСЫН» республикалық акциясы шеңберінде өткізіліп отыр.

Ынтымақтастық және достықты, салауатты өмір салтын, спортты насихаттау мақсатында өтті.

Іс-шара барысында қатысушылар спорттық эстафеталық жарыста топтық ойын, доппен жүгіру, күштілер жарысы, кім жылдам, секіртпе кезеңдері бойынша сынға түсті. Белсенділікпен қатысып жүлделі 1-орынды «Жастар» командасы, 2-орынмен «Айдын» командасы, 3-орынмен Эверест командасы марапатталды.

Іс-шараның соңында №105 мектеп-лицейі директоры Г.Еркебаева қорытындылап, ұстазбен шәкірт арасында ынтымақтастықты нығайту, балалар арасында достықты насихаттаудың маңызы зор екенін жеткізіп, барлық қатысушыларға әрқашанда белсенді болуға шақырды.