qarmaqshy-tany.kz Қармақшы аграрлы-техникалық колледжінде 21 қазан күні Республика күніне орай колледжішілік «ЖҮЗДЕН ЖҮЙРІК, МЫҢНАН ТҰЛПАР» атты көңілді эстафеталық сайыс болып өтті.
Мақсаты:
1.Студенттердің спортқа деген қызығушылығын арттыру;
2.Студенттерді ұйымшылдыққа, достыққа, ұлтжандылыққа тәрбиелеу;
3.Студенттерді жылдамдыққа, шапшаңдыққа үйрету.
Колледждің дене шынықтыру пәні оқытушысы Д.Байшылықов 25-қазан Республика күніне орай өткелі отырған «Жүзден жүйрік, мыңнан тұлпар!» атты эстафеталық сайысты ашық деп жариялап, сайысқа қатысқалы отырған командалармен және сайыста төрелік ететін әділқазылар алқасымен таныстырып, сайысқа қатысушыларға сәттілік тіледі.
Эстафеталық сайыс 6 кезеңннен болды:
І. «Кедергілер алаңы» сайысы - кедергілер арасымен допты домалатып жүгіру.
ІІ. «Боулинг» сайысы - су құйылған ыдысты құлату.
ІІІ. «Ойлан, тап» сайысы - допты ұрып барып берілген есепті шығару.
ІҮ. «Шеңбермен жүгіру» сайысы - шеңбердің ішімен алма кезек жүгіру.
Ү. «Кім жалдам?» сайысы - шеңбер арасымен уақытқа жүгіру.
ҮІ. «Тіркеме» сайысы - белгіленген жерге дейін жүрігіп келіп командаласын өзімен бірге біртіндеп тіркеп алу.
Колледждің І курс студенттерінен 3 команда жасақталды: «Барыс», «Қыран» және «Тұлпар» командалары.
Эстафеталық сайыс өте қызықты және тартымды өтті. Сайысқа қатысушылар спортқа деген қызығушылықтарын танытып, ұйымшылдық көрсете білді.
Дене шынықтыру пәні оқытушылары Қ.Жайсаңбаев, Н.Абдулаевтар сайыстың жақсы өтуіне ат салысты.
Сайыс қорытындысы бойынша 1 орын «Барыс» командасы, 2 орын «Тұлпар» командасы, 3 орын «Қыран» командасы иеленді. Сайыс жеңімпаздары колледж директорының Алғыс хатымен марапатталды.