АРДАГЕРЛЕР АРАСЫНДАҒЫ АЛАДОП БӘСЕКЕСІ
Спорт күніне орай Жосалы кенті орталығында 45 жастан жоғары спорт ардагерлері арасында шағын футболдан аудандық ашық біріншілік өтті. Іс-шараның ашылу салтанатында аудандық мәслихат төрағасы Әділ Қошалақов, аудандық спорт бөлімінің басшысы Ғалымжан Ержанов құттықтау сөз сөйлеп, спорттың қоғам өміріндегі рөліне тоқталды. Жарысқа қатысқалы тұрған командаларға игі тілектерін жеткізіп, спортшыларға сәттілік тіледі.
Тұрғындар арасында салауатты өмір салтын насихаттау, ардагер спортшылардың белсенділігін арттырып, бұқаралық спортты дамыту мақсатында ұйымдастырылған біріншілікке бірнеше команда қатысып, қорытындысында І орынды Қазалы, ІІ орынды Жалағаш және жүлделі ІІІ орынды Байқоңыр қаласының командалары жеңіп алып, мерейлері үстем болды.
Қуаныш НҰРПЕЙІСОВ
