РЕСПУБЛИКАЛЫҚ “ҰЛТТЫҚ ҚАУІПСІЗДІК БАРЫСЫ” АНЫҚТАЛДЫ
Елімізде тұңғыш рет ұйымдастырылған ҚР Ұлттық қауіпсіздік комитеті Төрағасының жүлдесіне арналған республикалық “Ұлттық қауіпсіздік Барысы” өз мәресіне жетті.
Белді бәсекеде еліміздің әр өңірінен құралған 9 команда бақ сынады. Нәтижесінде, жүлделі ІІІ орын ҚР Ішкі істер министрлігінің қызметкерлеріне бұйырса, ІІ орынды ҚР Мемлекеттік күзет қызметі иеленді. ҚР Ұлттық қауіпсіздік комитетінен құралған команда І орынды қанжығасына байлады.
Жарыстың екінші бөлігі 90 келі салмақтан жоғары «Ұлттық Қауіпсіздік Барысы» түйе палуандар арасында өтті. Қатысқан 16 палуанның ішінде Еңбек Сақтағанов қола белдікке қол жеткізсе, күміс белдік Мұхамедия Қайырдың еншісіне бұйырды. Ал, “Ұлттық қауіпсіздік Барысы” атағы мен алтын белбеуін Ғалымжан Әбдірахманов иеленді.
@Қызылорда облысының Өңірлік коммуникациялар қызметі
