Ауданда шахматтан облыстық турнир басталды

Бүгін ауданымызда Қолдабеков Асқар Сайлауұлы атындағы мүмкіндігі шектеулі көз мүгедектері арасында шахматтан облыстық турнирдің ашылу рәсімі өтті.

Іс-шара аудандық дене шынықтыру және сауықтыру кешенінде ұйымдастырылды. Ашылу салтанатында аудандық дене тәрбиесі, спорт және туризм бөлімінің басшысы Н. Мырзабаев сөз сөйлеп, қатысушыларға сәттілік тілеп, олардың табандылығы мен жігерін атап өтті.

Бұл турнир ерекше қажеттіліктері бар азаматтарға өз қабілеттерін шыңдауға, шахмат арқылы интеллектуалдық және стратегиялық ойлау дағдыларын дамытуға мүмкіндік беретін маңызды шара болып табылады.

Шахмат ойындары тек ойын емес, ол адамның ойлау қабілетін, ерік-жігерін және өмірлік қиындықтарды жеңудегі шыдамдылығын арттырады.