Спорт – қоғамды біріктірді

Жуырда аудандық дене шынықтыру және сауықтыру кешенінде «Жігер» облыстық мүгедектер қоғамдық бірлестігінің ұйымдастыруымен «Спорт – бізді біріктірді» атты мүмкіндігі шектеулі жастар арасында спорттық жарыс өтті. Жарыстың басты мақсаты – мүмкіндігі шектеулі жастардың потенциалын көрсету, оны дамытуға, өзін-өзі танытуға жәрдемдесу. Жарысқа ауданнан 17 жас қатысып, олар дойбы, мылтық ату ойын түрлері бойынша сайысқа түсті.
С.Бүркітбаев, А.Әбдіриев сынды аудандық дене шынықтыру және спорт бөлімінің қызметкерлері төрелік еткен тартысты жарыс нәтижесімен Қуат Қалабаева ІІІ орыннан көрінсе, Әлия Ілиясова ІІ орынды бағындырды. Ал, турнир жеңімпазы Мадияр Сайранов І орыннан көрініп, үздік екенін дәлелдеді.