Бокстан жасөспірімдер арасындағы Республикалық турнир басталды

qarmaqshy-tany.kz Ерлан Нысанбаевты еске алуға арналған бокстан 2008-2009 жылы туылған жасөспірімдер арасындағы IX Республикалық турнирдің ашылуы болды.

Турнирдің ашылу салтанатын Қармақшы Ауданы әкімінің орынбасары Самат Смағұлов Қыдырбекұлы, Қызылорда облысының жоғарғы спорт мектебінің директоры Багдат Каленов Кендебайұлы және ардагер Шаймерденов Зал мырзалар сөз сөйлеп, жарысқа қатысушыларға сәттілік тіледі.

Республикалық турнирге 360-қа жуық жасөспірім қатысушылар келген.

Тәжікстан, Өзбекстан, Қырғызтан, Ресей және Қазақстанның барлық аймақтарынан бақтарын сынайды.

Ерлан Нысанбаевтың республикалық турнирінің басты ұйымдастырушылары 1989 жылы дүниеге келген, №121, №250 мектептегі достары және аудан әкімшілігінің, Қармақшы аудандық Мәдениет және Спорт бөлімінің қолдауымен өтуде.

Турнирдің әділ өтуі үшін Халықаралық дәрежедегі AIBA төрешісі Тузенде Польды шақырған.

Барлық жарысқа қатысушыларға сәттілік және жеңіс тілейміз!