Жеңілатлеттер жарап тұр
qarmaqshy-tany.kz 8-10 маусым аралығында Алматыда 2008- 2009 жылдары туған жасөспірім ұлдар мен қыздар арасында Қазақстан Республикасының кезекті чемпионаты өтті.
Оған ауданымыздағы №15 олмипиадалық резервтің мамандандырылған балалар мен жасөспірімдер мектебінің жас жеңілатлеттері қатысып, жүлдемен оралды.
Атап айтсақ, 2000 метр қашықтыққа кедергімен жүгіруде ұлдар арасында №250 мектеп-лицейінің оқушысы Мирас Жақсылық жүлделі ІІ орынды иемденсе, қыздар арасында жүгірген №183 орта мектептің шәкірттері Қымбат пен Сымбат Мырзашқызы жүлделі ІІ және ІІІ орындарды иеленіп, аудан мерейін тасытты.
