Жеңілатлетшілер арасында жарыс өтті

1-Мамыр Қазақстан халықтары бірлігі мерекесі күні №250 мектеп-лицейінің спорт алаңында аудан орталығындағы мектептер оқушылары, яғни 2004-2005 жылдары туылған жасөспірім жеңілатлетшілер арасында жарыс өтті.

Жарыста қатысушы жас желаяқтар 1000 метр қашықтыққа жүгіріп, оның қорытындысымен ұлдар арасында №30 орта мектептің оқышылары Әсет Жанайдаров жарыс жеңімпазы атанса, Асылжан Мақсат ІІ орынды, ал №121 орта мектептің оқушысы Әділхан Қаржаубаев жүлделі І-ІІ орынды иемденді.

Сондай-ақ, қыздар арасында 1000 метр қашықтыққа жүгіруде №121 орта мектептің желаяқ қызы Динара Алтынбекова І орынды жеңіп алса, қалған екі жүлделі орынға №30 орта мектептің оқушылары Арайлым Тұрсынова мен Алма Сақташева көтерілді.

Жарыс соңында жеңімпаздар мен жүлдегерлер аудандық денешынықтыру және спорт бөлімінің дипломдары және сыйлықтарымен марапатталды