Үстел теннисінен бақ сынады
qarmaqshy-tany.kz Аудан орталығындағы дене шынықтыру және сауықтыру кешенінде үстел теннисінен кіші жасөспірімдер арасында облыстық жарыс өтті.
Аймағымыздың барлық өңірінен және еліміздің басқа да қалаларынан келген теннисшілермен бірге біздің де жерлестеріміз бақ сынады.
Нәтижесінде аудандық денешынықтыру және спорт клубының Руслан Тайбағаров жаттықтыратын жас теннисшілері өздерінің жас аралықтары бойынша аудан намысын абыроймен қорғап, жалпы командалық есепте ІІ орынға ие болды.
Жекелей және жұптық кездесулер нәтижесімен Нұрбек Назар, Нұрислам Назар, Айару Аязбаева жарыс жеңімпазы атанса, Жанел Атахан, Еркеназ Мұхтар, Рамазан Бектаев, Айшабибі Дарханқызы, Назым Қасымова, Мейірбек Жақанша жүлделі ІІ және ІІІ орындарға көтерілді.
Ал, жұптық сында өнер көрсеткен қармақшылықтар арасында Еркеназ Мұхтар ІІ орынға, Айшабибі Дарханқызы, Назым Қасымова, Мейірбек Жақанша жүлделі ІІІ орынға ие болып, аудан абыройын асқақтатты.
Нұрбай ЖАНӘДІЛОВ
