Үстел теннисінен облыстық ашық біріншілік

qarmaqshy-tany.kz Ағымдағы жылдың 24-25 желтоқсан күндері аралығында Қармақшы ауданы, Жосалы кенті, Дене шынықтыру сауықтыру кешенінде «Жалын» спорт клубының жүлдесіне арналған үстел теннисінен 2005-2007, 2008-2009, 2010-2011, 2012-2013 ж.т. жасөспірімдер арасында облыстық ашық біріншілік өз мәресіне жетті.

Спорттық шараның негізгі мақсаты: аудан көлемінде үстел теннис спортын дамыту, спорттың бұқаралығын арттыру, үстел теннисін аудан көлемінде дамыту, облысқа аудан құрама командасын іріктеу, спортшылардың қарым-қатынасын нығайту болып табылады.

Облыстық ашық біріншілікке Қызылорда қаласы, Жаңақорған ауданы, Сырдария ауданы, Жалағаш ауданы, Арал ауданы, Қармақшы ауданы және ауылдарынан 8 команда 100-ге жуық жасөспірім қатысты.

2005-2007 ж.т. жасөспірім ұлдар арасында Абдуллаев Арман ІІІ орын, Қызтуған Жанель ІІІ орын, 2010-2011 ж.т. жасөспірім ұлдар арасында Назар Нұрбек І орын және Кеңес Қайсар ІІІ орын, 2011-2012 ж.т. жасөспірім ұлдар арасында Назар Нұрислам І орын, Бектаев Рамазан ІІІ орын және қыздар арасында Жарылқасын Нұрбану ІІ орын, Атахан Жанель ІІІ орын және Аязбаева Айару І орын иеленді.

Жалпы командалық есепте:

ІІІ орын – Қызылорда қаласы;

ІІ орын - Жаңақорған ауданы

І орын - Қармақшы ауданы иеленді.

Спортшыларды дайындаған Тайбағаров Руслан және Туртбаев Азамат.