Үстел теннисінен аудандық ашық біріншілік өтті
Ағымдағы жылдың 8-10 сәуір Қармақшы ауданы, Жосалы кенті, Дене шынықтыру сауықтыру кешенінде 2022 жыл балалар жылына орай үстел теннисінен 2005-2006, 2007-2008, 2009-2010, 2011-2012 ж.т. кіші жасөспірімдер арасында аудандық ашық біріншілік өз мәресіне жетті.
Спорттық шараның негізгі мақсаты: аудан көлемінде үстел теннис спортын дамыту, спорттың бұқаралығын арттыру, үстел теннисін аудан көлемінде дамыту, облысқа аудан құрама командасын іріктеу, спортшылардың қарым-қатынасын нығайту.
Аудандық ашық біріншілікке Қызылорда қаласы, Жаңақорған ауданы, Сырдария ауданы, Жалағаш ауданы, Қармақшы ауданы, Қазалы ауданы, Арал аудандарынан 7 команда 100-ге жуық жасөспірім қатысты.
2005-2006 ж.т. кіші жасөспірім ұлдар арасында Абдуллаев Арман ІІІ орын, 2005-2006 ж.т. кіші жасөспірім қыздар арасында Аязбаева Мерей ІІІ орын, Қызтуған Жанель ІІ орын, 2009-2010 ж.т. кіші жасөспірім ұлдар арасында Қару Нұрмұхамед І орын, 2011-2012 ж.т. кіші жасөспірім ұлдар арасында Назар Нұрбек І орын, 2011-2012 ж.т. кіші жасөспірім қыздар арасында Атахан Жанель ІІІ орын және Аязбаева Айару ІІ орын иеленді.
Жалпы командалық есепте Қармақшы ауданы І орын иеленді.
Спортшыны дайындаған Тайбағаров Руслан және Туртбаев Азамат.
