Меделхан – ел чемпионы
qarmaqshy-tany.kz Семей қаласында кикбоксингтен кіші кадеттер арасында Қазақстан Республикасының кезекті чемпионаты өтті.
Дүбірлі жарысқа өзге аймақтардан келген үздік спортшылармен бірге біздің жерлестеріміз өзара бақ сынасып, нәтижесінде елге жүлдемен оралды.
Атап айтқанда, №15 олимпиадалық резервтің мамандандырылған балалар-жасөспірімдер мектебінің жаттықтырушысы Қазбек Алтыруовтың үкілеген шәкірттері арасында Меделхан Нұрашов І орынды жеңіп алса, өз салмағында Жұлдызай Кеңесова жүлделі ІІ орынға көтеріліп, аудан абыройын асқақтатты.
Нұрбай ӘБІЛАХАТҰЛЫ
