Жерлестеріміз халықаралық турнир жүлдегері
qarmaqshy-tany.kz 26-28 наурыз күндері Ақтауда дзюдодан жасөспірімдер арасында халық батырлары Иса-Досан жүлдесіне арналған ХІІІ халықаралық турнир өтті.
Байрақты жарысқа жер-жерден келген жас татами шеберлерімен бірге біздің жерлестеріміз де қатысып, жүлделі орындарға ие болды.
Дүбірлі жарыста жүлдегер атанған дзюдошылар арасында олимпиадалық резервтің мамандандырылған аудандық №15 балалар мен жасөспірімдер мектебінің Ерлан Жақсыбеков жаттықтыратын шәкірттер де бар. Атап айтқанда, 46 келіден жоғары салмақта татамиде белдескен Сұңқар Бақытжан мен Әлихан Әлиасқаров 73 келі салмақта жүлделі ІІ орынды иемденіп, аудан мерейін тасытты.
