Ол жақында Астана қаласында 2006-2007 жылдарғы жеңілатлеттер арасында өткен Қазақстан Республикасының жабық чемпионатында облыс құрама сапында 1500 метрге жүгіруде ІІ орынды, ал 800 метрге жүгіруде жүлделі ІІІ орынды жеңіп алды.

Енді жерлесіміз сәуір айында Өзбекстан мемлекетінің астанасы Ташкент қаласында өтетін Азия біріншілігінде ел намысын қорғайды.

Данияр бүгінде Артур Әлиев басқаратын №15 олимпиадалық резервтің мамандандырылған балалар мен жасөспірімдер спорт мектебінің жеңіл атлетика бөлімінің жаттықтырушылары Мұрат Кетебаев, Рашида Сарбасованың басшылығымен Азия біріншілігіне дайындалуда.

Сонымен қатар, №250 мектеп-лицейінің оқушысы Мирас Жақсылық 2008-2009 жылдары туған кіші жасөспірімдер арасындағы Қазақстан Республикасының чемпионатында жүлделі ІІ орынға көтеріліп, аудан мерейін тасытты.

Нұрбай ЖАНӘДІЛОВ