Қоржында қола жүлде

qarmaqshy-tany.kz Атырау қаласында еліміздің барлық аймағынан өз салмақ дәрежелері бойынша үздік деп танылған татами шеберлерінің қатысуымен дзюдодан ересектер арасында Қазақстан Республикасының чемпионаты өтті.

Үш күнге созылған дүбірлі жарыста Сыр бойы құрамасы сапында біздің жерлестеріміз өнер көрсетіп, жақсы көрсеткішке ие болды. Атап айтқанда, 100 келі салмақтан жоғары дәрежеде белдесу өткізген спорт саласының білікті маманы Дархан Алмахановтың үкілеген шәкірті Еламан Ерғалиев қола жүлдегер атанып, мерейі үстем болды.