Жүлдемен оралды

qarmaqshy-tany.kz Астана қаласында республикалық және Астана қалалық таэквондо федерациясы мен туризм және спорт басқармасының ұйымдастыруымен жас өспірімдер арасында таэквондодан Қазақстан Республикасының кезекті чемпионаты өтті.

Еліміздің әр аймағынан 8-11 жас аралығындағы 1500-ден астам спортшының қатысуымен өткен жарыста біздің де байқоңырлық жас таэквондошылар жүлдемен оралды.

Дүбірлі жарыста білікті сала майталмандары Нұржан Тағанов пен Ақан Ибрашевтің үкілеген шәкірттері Мәдина Бижанова, Айзере Алпысбекова және Рамазан Бербеков жарыс жеңімпазы атанып, алтыннан алқа тақса, Ислам Серікбаев қолаға қол жеткізді.