Ең ұзақ марафон 42 шақырым 195 метр қашықтықта ерлер арасында Ислам Аманғос 1 орынды жеңіп алды. Сәйкесінше, екінші орынды – Ерлан Жанасанов, 3 орынды – Руслан Оглов иеленді.

Қыздар арасында 42 шақырым 195 метр қашықтықта Жанна Момыржанова топ жарып, бас жүлдені жеңіп алды.  Мәреге екінші болып – Айман Радова, үшінші болып – Наргиза Лебедева жетті.

Сонымен қатар,  10 шақырым қашықтықта жүгірген марафоншыларға да арнайы жүлделер табыс етілді. 15-17 жас аралығындағы қыздар арасында 1 орынды – Мәдина Керімова, 2 орынды – Екатерина Иванова және 3 орынды – Әмина Оразбай жеңіп алды.

15-17 жас аралығындағы ұлдар арасында бәсеке қызғылықты болды. 1 орынды – Аманғос Яссауи, 2 орынды – Данияр Орманғали иеленсе, жүлделі 3 орынды – Колумбиядан келген қатысушы Гарсио Кастилья Хуан Себастьян жеңіп алды.

18 және одан да ересектер санатында ерлер арасында Алексей Гусарев, әйелдер арасында – Светлана Саунина көш бастады.

Айта кетер бір жайт,  биылғы марафонның жүлде қоры 1,9 млн теңгені құрайды. Қашықтықтарға жүгірген барлық қатысушылар арнайы медальмен  тмарапатталды. Жеңіске жеткен желаяқтарға тағы бір медаль мен ақшалай сыйақы берілді.