Ойшылдар ойынынан олжалы оралды

23-30 сәуір аралығында Сырдария ауданы, Тереңөзек кентінде тоғызқұмалақтың классика және бриц  түрлері бойынша жасөспірімдер арасында облыстық жекелей біріншілік өтті. Оған аудандық №15 олимпиадалық резервтің мамандандырылған балалар мен жасөспірімдер спорт мектебінің тәрбиеленушілері, тоғызқұмалақ үйірмесінің жаттықтырушы ӘбуТөремахановтың дайындаған шәкірттері қатысып, жүлделі орындармен оралды.
№85 мектеп-лицейдің оқушылары Айбек Айзақов ІІ орынды иеленсе, Ғибрат Әбжәмиев пен Ибраһим Жүзжасаров ІІІ орынды қанжығасына байлады. №30 орта мектептің оқушысы Инабат  Ілиясбек ІІІ орынға лайық деп танылды.
Ойшылдар ойынынан олжалы оралған оқушыларға алда алар асуларың көп болсын дейміз.

«Қт» ақпарат