Алғашқы жеңіліс: Әлем чемпионатында кәсіпқой боксшы екінші айналымға өте алмады
Белградта өтіп жатқан Әлем чемпионатының үшінші күнінде өнер көрсеткен Бек Нұрмағанбек 1/16 финалға өте алмады, деп хабарлайды vesti.kz сайты.
86 келіге дейінгі салмақ дәрежесінде жұдырықтасқан отандасымыз бразилиялық Кено Мачадодан төрешілердің бірыңғай (5:0) шешімімен жеңіліс тапты.
Жарыстың алғашқы екі күнінде өнер көрсеткен Асланбек Шымбергенов (71 келіге дейін), Нұрқанат Райыс (75 келіге дейін), Серік Теміржанов (57 келіге дейін) және Қазақстан құрамасының капитаны Абылайхан Жүсіпов (67 келіге дейін), Токио Олимпиадасының қола жүлдегері Сәкен Бибосынов келесі айналымға жолдама жеңіп алған еді.
