The Diplomat: Қазақстан – Корей түбегіндегі ахуалды реттеуге әсер ете алатын бірден-бір мемлекет
Елбасы Нұрсұлтан Назарбаевтың АҚШ Президенті Дональд Трамппен кездесуіне бүкіл әлем көз тігіп отыр.The Diplomat басылымы қос басшының жүздесуі жайында арнайы мақала жариялады. Онда Ақ үйде екіжақты сауда қатынастары, Ауғанстан мен Солтүстік Кореядағы жағдайлардың кеңінен талқыланғаны жазылды. Сонымен қатар басылым Орталық Азиядағы қауіпсіздік пен тұрақтылық мәселесін шешуде Қазақстанның ықпалы жоғары екеніне тоқталған.
«Қазақ елі – Корей түбегіндегі ахуалды реттеуге де әсер ете алатын бірден-бір мемлекет. Кеңес үкіметі ыдыраған тұста Қазақстан өз еркімен ядролық қарудан бас тартты. Сондықтан ресми Астана ядролық арсеналын дамытуды көздейтін Иран мен Солтүстік Корея сынды елдерге ақыл-кеңес беруге толықтай құқылы», – делінген.
